يا أهل الهوى يا مساكين واخداكوا الدنيا لفين ؟
يا أهل الهوى يا اللي من طرف واحد حابين
رسمتم في خيالكم صورة لحبيب احساسه دفين
حطيتوه في برواز غالي قزازه شوق وحنين
وانتظرتم كلمة حلوة يقولها والعين في العين
شاغلتوا بالكوا وحالكوا ع الفاضي يا عيني سنين
لا صرح , وقال انا مروح ودبحكوا بدون سكاكين
يا اهل الهوى يا مساكين بيعوه وانتوا الكاسبين
مروه
ردحذفبتوصفي حالي بالظبط
اصعب حاجه لما تحب حقيقي من طرف واحد
تحب حد بدرجة اقوي من المحبه نفسها
والاصعب انك تكتم جواك المشاعر دي
والاصعب منها لو جه اليوم الشخص ده وعرف
ورفض مشاعرك دي وضحي بيها بسهوله
ولكن محدش بيختار مصيره
تحياتي يا غاليه
حبيبتي مها
ردحذفالانسان مش بيختار الشخص اللي بيحبه
ربنا يعينك أنا عارفه قد ايه الحكاية صعبه عليكي
بس ان شاء الله ربنا هيعوضك بالانسان اللي يستاهلك
وصدقيني انت الكسبانه يا مها ما تزعليش
ربنا يوفقك دائما