همساتي (الظلم المكبوت يتحدث)

قد أبدو كحمم ملتهبة تتصاعد داخل بركان

وستأتي اللحظة الحاسمة وتحطم قيد الأغلال

تنطلق بغضب زاحفة تتوغل في كل مكان

تبكي بدموع حارقة لكل خضار وجمال

لن يوقفها توسل أو دمعة أورعشة تهزالأبدان

ستهد قساةٍ وشدادٍ بقلوبٍ تنضح أوبال

ويحل ظلاما وخرابا يشهد على ظلم الانسان

كم عانى مظاليم الدنيا واليوم صنعت الأهوال

انا لله وانا اليه راجعون

ربنا يصبر كل أم وأب فقدوا ابن من أبناؤهم ده احساس صعب جدا وابتلاء قوي بيهز البدن والروح

وقلوبنا بتتأثر برؤية طفل مات لأنه بريء ماآذاش حد أو عمل معاصي وذنوب , ونقول من جوانا

يا بخته راح لربنا ببرائته وصحيفته بيضاء . الله اعلم لما نموت هيبقى مصيرنا ايه ؟

ربنا يرحم كل الأطفال اللي فـقـدهم أهليهم بسبب آلآم المرض , والأطفال اللي ماتوا بسبب الظروف

الصعبة وقلة الفلوس , والأطفال اللي فـقـدوا أعضائهم بسبب الطمع والجشع وانعدام الضمير وغياب الدين

والأطفال اللي استشهدوا في الحروب بدون أي ذنب يعملوه أو يدفعوا روحهم ثمن ليه.

بنقول حسبنا الله ونعم الوكيل : على كل ظالم بيفسد في الأرض

ونقول انا لله وانا اليه راجعون : لكل أسرة مسلمة أصابت بفـقـد عزيز .

همساتي (أحبك)

أحببتك أمس وأحبك اليوم وسأحبك الى الأبد

لقد منحتني الحياة بحلوها وصفائها

وجعلتني أبدو كالطائر المحلق في الفضاء

يطوف أرجاء السماء ويحضن بجناحيه حبات الهواء

ينعم بحلاوة الجمال ولا يخاف صائدا أو جبال

لقد جعلتني أرى كل شيء زاهيا نقيا

لم يعد للحزن مكانا عندي , لم تعد للكآبة معناًَُ في قاموسي

لقد جعلتني كالملاك الرقيق أحب كل من حولي

من أعرفه ومن لا أعرفه فأحببت نفسي أكثر فأكثر

أصبحت أزف نفسي كل يوم كعروس جميل

وأحس بأن كل لحظة تمر من عمري انما هي فجر عمر جديد

له معنى وهدف نبيل

لقد كنت وحدك السبب في ولادتي من جديد

أتيت كالنسمة الرقيقة لتهز أوتار قلبي فأنشد عقلي أحبيه

فأحببتك حتى الموت وتيقنت حينها بأنك لست مجرد كلمة حب

بل انك كل كل الحب ..

همساتي (سحر الوصف)

القلب أبيض والمعدن دهب : وقار ووسامة وظرف وأدب

حلاوة لسان سكر عـنـب : طيبة وحنان ينسوا العـتـب

قــوة تحمل عند الغضـب : وفـاء وصدق وجـود العرب

غيرت حياتي وحالي اتقلب : ودخلت في قلبي بأعلى الرتب

احلوت أيامي وانت السبب : هتطلب ما تطلب تسمع وجب

بشوفك بيهمس في قلبي طرب : وبلاقي كلامي سابني وهرب

بتـكـلم عنـك يا زينة الشباب : يا هـدية من الله علي وهب

جاهين وعذب الكلام

ليه يا حبيبي ما بيننا دايما سفر ده البعد ذنب كبير لا يغتفر
ليه يا حبيبي ما بيننا دايما بحور أعدي بحر ألاقي غيره اتحفر
عجبي !!

نوح راح لحاله و الطوفان استمر مركبنا تايهه لسه مش لاقيله بر
آه م الطوفان وآهين يا بر الأمان إزاي تبان و الدنيا غرقانه شر
عجبي !!

شاف الطبيب جرحي وصف له الأمل وعطاني منه مقام يا دوب ما اندمل
مجروح جديد يا طبيب و جرحي لهيب ودواك فرغ مني .... و إيه العمل
عجبي !!!


أعرف عيون هي الجمال و الحسن واعرف عيون تاخد القلوب بالحضن
وعيون مخيفة و قاسية وعيون كتير وباحس فيهم كلهم بالحزن
عجبي !!


يا حزين يا قمقم تحت بحر الضياع حزين أنا زيك و إيه المستطاع
الحزن ما بقالهوش جلال يا جدع الحزن زي البرد ... زي الصداع
عجبي !!

في يوم صحيت شاعر براحة و صفا الهم زال و الحزن راح و اختفي
خدني العجب و سألت روحي سؤال أنا مت ؟ و لا وصلت للفلسفة
عجبي !!!

نظرت فوق للنجوم و انا ساير رجليا عترت في الحفر و الحجاير
بقيت أقول و انا ع التراب: يا سلام مش بس عبره أخذت لكن عباير
عجبي !!!

همساتي (أحوال الناس)

يا بختهم اللي بعيشتهم راضيين , نهارهم مستنار وليلهم زين

في كل أمر على الله متوكلين , شاكرين ع الكتير وع القليل حامدين

يا حظهم في فهمهم واعيين , ان الرضا بالقليل كنز ثمين

واللي بعيشتهم مش راضيين , نهارهم مظلم وليلهم شين

مستعجلين رزقهم وفي غمضة عين , عاوزين ينتقلوا م الشمال لليمين

يا خسارة مش واعيين ولا فاهمين , ان الرزق مكتوب:بس نقول لمين؟

همساتي (حياتنا)

حياتنا يوم في الواطي ويوم في العالي , تغـلّي الرخيص وترخّـص الغالي

حياتنا ميزان كره وحب , كفة الخلايق فيها ما تطب

نكسب ما نكسب مفيش غير عملنا , شاهد علينا حتى في منامنا

حياتنا مسيرة وليها نهاية , وبموت اللي فيها تتم الحكاية

وتطل البداية : بداية حياتنا , ناخد حقوقنا وناخد جزأنا

همساتي (طير الحمام)

معقول دي أخرتها يا طير اليمام ؟
تهاجر ما تسأل في طير الحمام

هانـت عليك عشـرة الأيــام !!

هتقدر تعيش .. هتعرف تنام ؟!

بالغالي اشتريتك وفي حزنك واسيتك

لحقت تنسى وتفوتني أوام

تشـرّق تغـرّب في وسط الزحام

مش هتلاقـي زيي دافع للأمام

هسيبك لقدرك وهنسى اللي كان

نسيج أحلامي صبح أوهام

هتفـهم وتنـدم بعد الأوان

ومسيره كلامي تثبته الأيام

من الآن مالكش في قلبي مكان

أقول ايه ماعاد يفيد الكلام

مسامحك في جرحك يا طير اليمام

لأني بعيش بحب وسلام

هلاقـي اللي يملى علي المكان

وهرجع أرفرف بحب وهيام

هعيـد حساباتي في كل اللي كان

ونهاية عتابي : سلامي ختــام.

همساتي (أهل الهوى)

يا أهل الهوى يا مساكين واخداكوا الدنيا لفين ؟

يا أهل الهوى يا اللي من طرف واحد حابين

رسمتم في خيالكم صورة لحبيب احساسه دفين

حطيتوه في برواز غالي قزازه شوق وحنين

وانتظرتم كلمة حلوة يقولها والعين في العين

شاغلتوا بالكوا وحالكوا ع الفاضي يا عيني سنين

لا صرح , وقال انا مروح ودبحكوا بدون سكاكين

يا اهل الهوى يا مساكين بيعوه وانتوا الكاسبين

دعاء جميل

اللهم من اعتز بك فلن يذل،ومن اهتدى بك فلن يضل،ومن استكثر بك فلن يقل،ومن استقوى بك فلن يضعف،ومن استغنى بك فلن يفتقر،ومن استنصر بك فلن يخذل،ومن استعان بك فلن يغلب،ومن توكل عليك فلن يخيب،ومن جعلك ملاذه فلن يضيع،ومن اعتصم بك فقد هدى إلى صراط مستقيم،اللهم فكن لنا وليا ونصيرا، وكن لنا معينا ومجيرا، إنك كنت بنا بصيرا
اللهم صل و سلم و بارك علي سيدنا محمد و علي آله و صحبه و سلم و الحمد لله رب العالمين

المشاعر

يحسبون المشاعر ..... لعبة ورق

ألف مليون مرحبا

الى صديقتي وحبيبتي (مسافرة في حياة الأخرين) ماتتصوريش انا فرحت بانضمامك للكتابة في المدونة قد ايه ونفسي

بجد أسافر في خيالك واحلامك وأشاركك واتعلم منك كل حاجة جميلة لأنك بجد جميلة جدا بره وجوه

بالتوفيق والنجاح في الامتحانات وربنا يوفقنا كلنا

الى اللقاء بعد الامتحانات

بيرم التونسي

الجماهير

م المستحيل إنت تخدع أي طفل صغيرو تلف عقله و تعطيه القليل بكتير

لكن بأهون طريقه تخدع الجماهيرلو كنت أغبى غبي تجري وراك و تسير

خليل يصقَّف , يصقف شعب ويا خليل من غير ما يسأل عن الأسباب والتفاصيل

و حمار يغني , وجايب من يقول له : آه حالاً تقول الخلايق كلها ويّاه

صلاح جاهين

أنا اللي بالأمر المحال اغتوى

شفت القمر نطيت لفوق ف الهوا

طلته ما طلتوش إيه انا يهمنى

وليه ما دام بالنشوة قلبي ارتوى

عجبى

غمض عينيك وارقص بخفة ودلع

الدنيا هيه الشابة وانت الجدع

تشوف رشاقة خطوتك تعشقك

لكن انت لو بصيت لرجليك تـقع

عجبى