معقول دي أخرتها يا طير اليمام ؟
تهاجر ما تسأل في طير الحمام
تهاجر ما تسأل في طير الحمام
هانـت عليك عشـرة الأيــام !!
هتقدر تعيش .. هتعرف تنام ؟!
بالغالي اشتريتك وفي حزنك واسيتك
لحقت تنسى وتفوتني أوام
تشـرّق تغـرّب في وسط الزحام
مش هتلاقـي زيي دافع للأمام
هسيبك لقدرك وهنسى اللي كان
نسيج أحلامي صبح أوهام
هتفـهم وتنـدم بعد الأوان
ومسيره كلامي تثبته الأيام
من الآن مالكش في قلبي مكان
أقول ايه ماعاد يفيد الكلام
مسامحك في جرحك يا طير اليمام
لأني بعيش بحب وسلام
هلاقـي اللي يملى علي المكان
وهرجع أرفرف بحب وهيام
هعيـد حساباتي في كل اللي كان
ونهاية عتابي : سلامي ختــام.
ليست هناك تعليقات:
إرسال تعليق