دموعي بتشق مجراها على الخدود بتسيل
بتملى قلبي وتغمره وبيتسمع له أنين
يا نفسي إيه يرفعك من التعب والويل
ده الكبت علم فيكي وصوتي حسه حزين
في حكاية هاسردها وكأنها موال
سطورها بتغني والحزن فيها دفين
كان قدامي طريق جريت عليه أميال
لقيته فجأة إتقطع وبديله أجيبه منين؟
إتكتبلي حظ عنيد واتبدل بيا الحال
أفكاري جوايا تاهت والجرح زاد جرحين
تعبت من المناهدة والعزم راح يتهد
ولقيت سنين عمري بتجري مالهاش عد
حاكيت عقلي وقلبي وعرفت إنه لابد
أعاند وما ارجعش مع إن الطريق إتسد
ما انا لو رجعت هنتهي من مكان ما بدأت
هشوف طريق تاني واكيد هلاقي وأكِـدّ
ماهي الحلول كتيره وخطواتي لها هتمد
ياربي أنا إنسانة نفسها تنجح بجد
ساعدني وارضيني بدون ما احتاج لحد
حمدالله ع السلامة
ردحذفالله يسلمك بجد وحشتني الكتابة ووحشتوني كلكم وبصراحة مها حبيبتي هي اللي شجعتني اني ارجع للمدونة تاني ويارب أستمر
ردحذفمروه انا مش مصدقه
ردحذفانا فرحانه جداااااااا لما شفت المفاجأه دي
ايوه كدي اكتبي وخليكي جنبي دايما
البوست تحفه يا حبيبتي والله
ان شاء الله هتستمري وعلي فكره شكل المدونه بقي رائع
تحياتي يا حبيبة قلبي
ربنا يخليكي يامها أنا مش عارفه أقولك ايه بس انا مبسوطة بجد ربنا ما يحرمني منك أبدا
ردحذف